Уште едно изненадување на Јавен простор. Имено, денеска, (30.06.2019) во Прилеп, Пирка.AВХ го најави својот, 7ми live-stream евент, заедно со македонскиот бенд „The Local Blue“.
Станува збор за концерт кој ќе биде достапен за гледање само преку социјалните мрежи, а ќе започне во интервал од 20:30 до 21 часот и ќе трае еден час.
„Сакаме преку презентација на аудио и видео моменти да промовираме артисти, а воедно и да промовираме локации низ Македонија на еден невообичаен начин и перспектива која ретко кој може да ја искуси“, велат од Пирка.
Јавноста ќе може да го следи концертот на Фејсбук и Јутјуб.
Целта на Pirka АВХ е селекција на најдоброто од македонската музичка сцена и негова презентација преку стримови и видео емитувања на внимателно селектирани локации, дел од природната убавина и пејсажи на Македонија. Моментално тимот е фокусиран на електронската сцена, но во најава е ширење на жанровската застапеност.
Pirka АВХ себеси се дефинираат како колектив на индивидуалци, секој професионалец во својата област, кои заеднички творат и креираат со една цел – визуелна презентација на хармонијата помеѓу музиката и природните убавини.