Ракометарките на ЖРК Деспина, во еден резултатски неизвесен натпревар до крај, се вратија од гостувањето во Скопје со пораз ( 27:25). Екипата на Спартак од Кисела Вода, во 15 коло од Женската лига, како домаќин , жестоко се бореше трите бода да останат дома.
Првото полувреме измена во резултатска изедначеност, за на карај да заврши во корист на прилепчанки – на полувреме се замина со еден гол повеќе ,12:13. Изедначената резултатска игра продолжи и во второто полувреме, со менување на предност од еден гол, во еден момент за Спартак, во друг за Деспина. Но, во последните минути од натпреварот, ракометарките на Спартак беа поконцентрирани на играта, поведоа и успеаа да го задржат водството и да извојуваат победа над екипата од Прилеп.