Прилеп се сплотува за помош на четирите семејства чии што домови до темел беа изгорени во пожар предизвикан од гром минатата недела. 
По масовната посетеност на синоќешниот хуманитарен настан во организација на прилепскиот еснаф, вечерва КУД „Преродба“ одржаа хуманитарна музичко поетска вечер насловена како “НЕ ГОРИ САМО КУЌАТА, ГОРИ И ДУШАТА” на која членовите на Преродба се претставија со песна и поезија. 
Гостин на вечерта беа од КУД „Моминок“ кои се претставија со неколку ора и песни. 
Собраните средства од манифестацијата се наменети за помош на прилепските семејства кои што во овој момент имаат потреба од покуќнина, постелнина и финансиски средства да го поминат најтешкиот период до враќање во своите домови.
