СОУ „Ристе Ристески Ричко“ Прилеп ова лето, во период од 3 седмици, учествуваше во Erasmus+ проектот „Next level of education“, односно „Напредно ниво на образование“, во градот Барселос, Португалија. Група од 16 ученици од секторот Графичарство и секторот Сообраќај, транспорт и складирање, придружувани од 2 професори, во периодот од 30 јуни до 20 јули имаа можност да ги усовршат своите вештини, работејќи и стекнувајќи пракса во реални компании и центри за обука во Португалија.
Истовремено учениците ги подобрија и своите комуникациски вештини на англиски јазик и имаа можност да ги посетат позначајните места во Португалија за да се запознаат со тамошната традиција и култура. Проектот беше поддржан од Еразмус+ програмата на Европската Комисија, преку Националната агенција за Европски образовни програми и мобилност.