Прилеп е подготвен за осмиот Меморијален ракометен турнир „Миле Нешкоски“, а списокот на учесниците веќе е затворн, соопштија денеска организаторите на турнирот на прес конференција.
Во групата А, домаќинот Прилеп за свои противници ќе ги има екипите на Дубочица, Скопје и Струга, додека втората група ја сочинуваат Кокс од Финска, Еурофарм Пелистер 2, Пролет и новиот суперлигаш Мулти Есенс.
Турнирот започнува на 25, август со натпревар меѓу Еурофарм Пелистер 2 и Пролет, ќе се игра на 26 и 27 , додека натпреварите за пласман се закажани за 28 август. Натпреварите се играат во салата на СОУ Ристе Ристески Ричко“ , а сите дуели ќе можат да се следат и во живо на YouTube каналот на организаторите.
И годинава организаторие за најдобрите обезбедија пригодни награди а секако ќе се додели и награда за животно дело во областа на спортот.