500 пакетчиња со училишен прибор за почеток на новата учебна година, денеска пред градскиот Саат поделија членките на на Унијата на жени при ОК на ВМРО-ДПМНЕ – Прилеп, под слоганот „Подадена рака за секое дете – топлина поддршка и насмевка затоа што секое дете е важно“. Настанот беше надополнет и со забавна програма на која настапија со песна дечињата од „Весели ѕвончиња“.
Хуманоста нека биде наша заедничка мисија! Ве повикуваме сите – сограѓани, пријатели, добронамерници – да се приклучите и заедно да правиме уште повеќе добри дела, таму каде што е најпотребно“, ,напиша претседателската на Унијата на жени при ОК на ВМРО-ДПМНЕ – Прилеп, Билјана Кузманоска на својот ФБ профил, притоа посакувајќи им среќна и успешна учебна година на сите ученици.
Воедно, на неколку локации од градот, ВМРО-ДПМНЕ имаше свои штандови каде граѓаните можеа да ги дадат свои идеи и предлози за подобар Прилеп.
Акцијата, насловена „Предложи! Вистинската идеја за вашата општина!“, ја спроведува ВМРО -ДПМНЕ веќе неколку дена во сите општиниа и ќе трае до 3 септември. А, граѓаните своите предлози ќе можат да ги дадат со пополнување на формулар на штандовите поставените на плоштадите во сите општини или по електронски пат.