Вечерва во преполната спортска сала при СОУ „Орде Чопела“, прилепскиот џудо клуб „Пролетер“ ја реалзираше традиционалната новогодишна забава за младите џудисти, нивните родители и роднини, како и за пријателите и поддржувачите на клубот.
На настанот беа истакнати најуспешните џудисти кои се закитиле со многу награди на домашните и меѓународните натпревари, најмладите со дипломи беа поттикнати да продолжат да ја развиваат љубовта кон овој спорт, а благодарници добија и фирми и поединци кои на различни начини ја поддржуваат работата на „Пролетер“.
Како што истакна главниот тренер, Славчо Димитриjoски, овој клуб постои од 1979 година и џудисти што тренерилае тука, сега го пренесуваат знаењето во многу други клубови низ државава.
Младите џудисти пред бројните посетители прикажаа вежби, борби и падови, а победниците симболично добија чоколаден Дедо Мраз.
Секако освен чоколадниот тука беше присутен и вистинскиот Дедо Мраз, кој дојде со санка влечена од ирвас, а дружбата беше заокружена со богат коктел за радост на дечињата.
Да потсетиме, годинава, џудо клубот „Пролетер“ имаше забележително учество на Европскиот џудо-куп во Сараево, Република Босна и Херцеговина, од каде што се врати со второ место за Марко и трето место за Џени Димитриоска, а петтото место го освои Виктор Стојаноски.
текст и фото: Ф.Д.