По повеќедецениска кариера исполнета со хитови и настапи, вечерва почина македонскиот пејач Владо Јаневски. Тој починал по кратко боледување на една од скопските клиники, на 66-годишна возраст.
Јаневски зад себе остава богата музичка кариера со безброј хитови кои ја одбележаа македонската поп-музика во изминатите неколку децении. Тој беше еден од најпознатите македонски поп-изведувачи, кој зад себе остави богата музичка кариера и бројни хитови, меѓу кои „Ако не те сакам“, „Евергрин“, „Дома си е дома“, „Не зори зоро“ и „Еден бакнеж“.
Роден е на 27 ноември 1960 година во Скопје, дипломирал на Филолошкиот факултет и бил првиот официјален претставник на Македонија на Евровизија во 1998 година со песната „Не зори зоро“.
Со неговото заминување, македонската музичка сцена загуби еден од своите најпрепознатливи и најомилени изведувачи.
Последниот настап на Владо Јаневски во Прилеп беше на манифестацијата „Прилепска празнична приказна” која се реализираше од 24 декември до 1 јануари 2026.