Денеска, 2 јули од 21:00 часот, на камената бина во центарот на Прилеп, во рамките на манифестацијата „Од 0 до култура“ трета музичка дружба со младите прилепски музички уметници и таленти. Овој пат тоа ќе биде дружење во диско ритам „Disco Night“ специјално подготвен концепт направен за проектот “Од 0 до КултурА”.
Иако бендот е активно присутен и препознатлив по своите настапи низ Македонија, оваа вечер е резервирана за уникатно диско искуство создадено специјално за овој настан.
Подгответе се за незаборавно патување низ ерата на диско музиката со безвременските хитови на легендарните имиња како Donna Summer, Madonna и многу други.
На сцената ќе настапат Aleks & Friends: Алекс – вокал; Александар Ристески – гитара; Анастасија Ристовска – тапани; Мартин Стојанов – бас гитара и Лашко Атанасов – клавијатури.