На педесет и четвртиот Државен фестивал на непрофесионален филм, во организација на Кино сојузот на Македонија и Народна техника кој неодамна се одржа во Домот на културата „Тошо Арсов“ во Виница, нашите прилепчани Никола Димески и Марјан Беџоски освоија дури 4 награди за нивните филмови.
Со златни плакети наградени се филмовите „Не осудувај одма“, „Прочка“, „Прилепски патрдии“ и „Брзина, адреналин, доживување“.
Благодарение на овие признанија, Димески и Беџоски ќе ја претставуваат Македонија на интернационалниот фестивал за непрофесионален филм Уника, кој ќе се одржи во Швајцарија во 2026 година. 
Инаку, на оваа традиционална манифестација со речиси пет и пол децениско постоење право на учество имаат сите граѓани на Македонија кои се занимаваат со филмска дејност. Годинава учесниците се натрпеваруваа во пет категории и тоа документарен филм, краток игран филм, експериментален филм, анимиран и едноминутен филм.
Жири комисијата за наведените актегории доделува златни, сребрени и бронзени медали за филмови и златни медали за авторски награди.
Редакцијата на Радио Пела на нашите сограѓани им ги честита наградите и им посакувам успешно претставување во Швајцарија, идната година.
Филип Димкоски