Времето денеска во Македонија сончево и многу топло со мала до умерена облачност. Ќе дува слаб до умерен ветер од западен и северозападен правец. Попладне ќе има локална нестабилност со пороен дожд, грмежи, засилен ветер и наместа услови за невреме со појава на град. Максималната температура ќе биде во интервал од 34 до 39 степени.
Во Прилеп денеска се очекува максималната температура да достигне до 34 степени, со услови за нестабилност и дожд во вечерните часови.
Слично време не’ очекува и утре, вторник 21.07.2026, а веќе од среда 22 јули нестабилноста ќе биде поголема со услови за дожд, грмежи, засилен ветер и невреме со појава на град. Температурите ќе бидат во опаѓање, така што за петок 24 ти јули за Прилеп се прогнозира максимална температура од само 16 степени.