Со последните претстави во официјалната и во придружната програма, и со панел дискусија денеска ќе се заокружи програмата на јубилејниот 60. Македонски театарски фестивал „Војдан Чернодрински“ во Прилеп.
Од 17 часот е панел дискусијата насловена „На работ зад сцената: менталното преживување во театарот“. 
Вечер од 19 часот во Центарот за култура „Марко Цепенков“ во Прилеп, публиката ќе ја види последната од деветте претстави во официјалната конкуренција. Тоа е претставата „Едмонд“ од Дејвид Мамет во режија на Оливер Мицевски, а во продукција на Битолски театар.
Од 21 часот на сцена 105 е и последната претстава во придружната програма, претставата „Сина сенка“ од Брајан Рејнолдс во режија на Тамара Стојаноска а во изведба на Театар „Златен Елец“ од Скопје.
МТФ „Војдан Чернодрински“ завршува утре 12 ти јуни. На последниот ден предвидена е прес конференција од 12:00 , а од 19:00 Центар за култура „Марко Цепенков“ ќе се одржи Свечено затворање на фестивалот и доделување на наградите по што ќе следи театарската претстава „ЦРНО ЗЛАТО“ од БЕОГРАДСКО ДРАМСКО ПОЗОРИШТЕ.