Во Прилепската болница тимот на ортопедското одделение направи оперативен голем исчекор во третманот на оштетувањата на зглобната ‘рскавица. Станува збор за современа биолошка метода за третман на оштетувања на зглобната ’рскавица, при која се користат сопствени клетки и биолошки материјали од пациентот, со цел поттикнување на регенерацијата на ’рскавицата и подобрување на функцијата на зглобот. Оперативниот зафат AutoCart процедура на колен зглоб беше изведена вчера за првпат во Општата болница со проширена дејност „Борка Талески“ од оперативниот тим го сочинуваа: оператор д-р Кире Јоноски, асистент д-р Миле Милошески и медицинска сестра Жаклина Мидоска.
И со овој зафат Прилепската болница потврди дека континуирано работи на воведување современи методи и подобра здравствена грижа за пациентите од Прилеп и поширокиот регион.
