Алексоски : Нашиот независен театар и членовите во него имаат посебна театарска енергија која не одржува сите овие години (ВИДЕО +ФОТО)

Во годината кога независниот театар Златен Елец прославува четири години од своето постоење , пред прилепчани вечерва од 19:30 ќе се прикажи претставата “Грета”  според текстови на Луц Хибнер и Јохан Волфганг фон Гете во адаптација и режија на Тамара Стојаноска. Во претставата играат Димитрина Мицкоска Трајкоска и Ане Блажовски. Преводот на текстовите е на Тамара Стојаноска и Ане Блажовски.

Со „Грета“ се раскажува приказна за театарот, за создавањето театарски светови, за пробата и процесот, за актерите како душата на театарот, за односите на театарските уметници во еден процес – вели режсерката Тамара Стојаноска за Радио Пела.

Во отворената програма  РАДИОШТОСЕГЛЕДА , разговаравме за овој независен театар и за сите активности на актерите кои четири години макотрпно работат и успешно ги изведуваат претставите ширум земјава и пошироко.Подолу погледнете го и видеото.