Два случаи на насилство врз жени пријавени во полиција

Од Елизабета Филипоска На 23/10/2023

Во полиција вчера биле пријавени два случаи на насилство – во едниот мажот физички ја нападнал својата жена, а во вториот момчето ја нападнало својата девојка.

Како што информира МВР, во првиот случај синоќа, во 23.45 часот, 33-годишна жена пријавила дека околу 20.30 часот во својот дом била физички нападната од нејзиниот сопруг И.М.

Во вториот случај, 20-годишна девојка пријавила дека била физички нападната од нејзиното момче, Л.Д.

Случајот бил пријавен во полиција вчера, во 5.00 часот. Нападот се случил околу 1.30 часот во Прилеп.

Полицијата информира дека презема мерки за расчистување на случаите.