Дисеминација на Еразмус+ проект ChemDM – Chemical Dancing Models (Хемиски танцувачки модели)

Четири средни училишта заедно со СОУ Гимназија „Мирче Ацев“ Прилеп вклучени преку ERASMUS + програмата за дигитално трансформирање на образовните методи и содржини  преку креирање и имплементација на нова наставна програма во наставниот процес со која се развиваат дигитални вештини и компетенции на наставниот кадар и на учениците деновиве одржаа завршна конференција. Настанот всушност бепе дисеминација на проектот ChemDM – Chemical Dancing Models (Хемиски танцувачки модели) во рамките на ERASMUS + програмата, финансиски поддржан од Европската Унија и менаџиран од Националната агенција за европски образовни програми со мобилност од 01-11-2021 до 01-11-2023 год. во рок од 24 месеци.

Дисеминацијата беше организирана и спроведена од професорите вклучени во проектниот тим, Ружа Ангелеска – професор по хемија, Христина Манческа – професор по хемија, Кети Ефремоска Наумоска –професор по англиски јазик, воедно и локален координатор на проектот, со поддршка на директоката на СОУ Гимназија „Мирче Ацев“ – Прилеп, Весна Михаиловска. Целта е програмата и прирачникот да најдат свое место во подобрување на методите за совладување на содржините по хемија, биохемија и други природни науки во овој виртуелен свет, а воедно ќе го поттикнат БРО, МОН и сите засегнати структури за понатамошно усовршување на програмите и нивна имплементација за почеток како факултативен предмет.

На настанот присуствуваа гости, директори и наставници од сите локални основнни и средни училишта од Прилеп, како професори по хемија и биологија од ОСМУ„Д-р.Јован Калаузи“ од Битола и СОУ Гимназија „Добри Даскалов“ од Кавадарци, претставници од подрачно одделение на Бирото за развој на образованието и претставници од локалната самоуправа.  Присутните добија примерок од настваната програма со прирачник во печатена форма и УСБ-стик во електронска форма.

Истовремено настанот беше следен виртуелно преку програмата „Zoom“ од страна на гости од ПМФ-институт за хемија Скопје и професори по хемија од други градови кои не беа во можност физички да присуствуваат.

На дисеминацијата присутните беа запознати со основните информации за проектот, за партнер училиштата од земјите учеснички и мотивот, идејата, целите како и чекорите на имплементација за овој проект.