Едно лице загина – во прекин сообраќајот на регионалниот пат Прилеп – Ресен поради сообраќајка

Bо тешка сообраќајна несреќа што утрово се случила меѓу патничко возило и камион близу Битола, кај местото викано „Кукуречанска раскрсница“, има жртва.

Сообраќајот на регионалниот патен правец Прилеп – Ресен е во прекин, потврдија од СВР-Битола.

Детална информација за причините за тешката сообраќајна несреќа:

Денеска (24.07.2023) во 05.08 часот во СВР Битола било пријавено дека  се случила сообраќајна несреќа помеѓу товарно моторно возило „сканиа“ со приколка со штипски регистарски ознаки, управувано од Б.М.(44) и патничко моторно возило „опел корса“ со битолски регистарски ознаки. Во несреќата, патничкото возило се запалило, а телото на возачот било опожарено, велат од МВР за Курир

Од АМСМ препорачуваат прилагодена брзина на движење, почитување на поставената сообраќајна сигнализација и внимателно управување со возилата, особено на патиштата низ котлините, речните долини и клисурите, каде има можност од појава на одрони. Ова посебно се однесува за делниците Катланово – Велес, Маврово – Дебар – Струга, Виница – Берово и Кочани – Делчево.