За два дена опожарени две возила во Прилеп на различни локации

Синоќа  (17.12.2023) во 22.00 ч. во ОВР Прилеп, Д.В.(47) од Прилеп пријавил дека на ул.„Кузман Шапкарев” било опожарено неговото патничко возило „фолксваген голф“ со битолски регистарски ознаки.

Пожарот бил изгаснат од екипа на Територијалната противпожарна единица Прилеп, а повредени лица нема.

Увид бил извршен и се преземаат мерки за расчистување на настанот.

Ова е втор случај на опожарено возило во Прилеп во изминатите два дена.

Ден претходно на 16.12.2023 , во 15.09 часот,  во СВР Битола, С.А.(45) од Прилеп пријавил дека на ул„Орде Чопела” било опожарено неговото патничкото возило „фиат“ со прилепски регистарски ознаки.