АМКАЊЕТО како прилепски обичај за Прочка во изведба на „Преродба„ утре (сабота) пред градскиот саат во Прилеп

„Варено јајце се врзува на конец над трпезата и се завртува над главите на децата. Детето што ќе успее да го гризне јајцето се прогласува за најсреќно во следната година и добива награда“,- тоа е традицијата која се применува во Прилеп и преставува обичај кои често го промовираат и го чуваат од заборав Здружението на жени „Преродба“.

И, токму утре, сабота на 16.03, овој обичај АМКАЊЕТО на платото кај Градскиот Саат, ќе биде презентирано  од страна на Здружението „Преродба“. Настанот ќе започне околу 11,оо часот и ќе биде изведен во автентичен амбиент, привлечен за минувачите, а  ќе биде збогатен со настап  на младите уметници Марко и Антонио како етно состав Пиреј.

Инаку, Прочка во семејството се одбележува со богат ручек кој завршува, токму со амкање јајца.