Опожарено возило на раководителка на сектор во Општина Прилеп

Ноќеска околу 1 часот било опожарено семејното возило на Васе Никоска, раководителка на Сектор за урбанизам, комунални работи и заштита на животната средина во Општина Прилеп. Повредени нема. Од СВР Битола ја потврдија информацијата:

На 21.07.2022 во СВР Битола – ОВР Прилеп е пријавено дека околу 01.00 часот на ул„Киро Нацевски Фетак“ настанал пожар во патничко моторно возило „пежо“, со прилепски регистарски ознаки, сопственост на Н.Р.(65) од Прилеп. Пожарот е изгаснат од страна на територијалната противпожарна единица Прилеп, а повредени лица нема. Увид изврши увидната екипа на ОВР Прилеп.