(ВИДЕО) Тутунарите имаат 2 предлога за претстојниот откуп

Тутунарите од прилепско, битолско, од радовишко и од другите региони каде традиционално се одгледува тутун вечерва во ЈОУ Градска библиотека „Борка Талески“ Прилеп одржаа трибина во организација на Националната земјоделска мрежа и Здружението Тутунска надеж. Низ дискусија за актуелните состојби со тутунска реколта, колку цените во договорите ќе се одразат на рентабилност на производство тутунарите изградија заклучоци. Велат дека двојно е подобар квалитетот од лани, трошоците ги зголеми инфлацијата…

И целиот род да биде исплатен во највисоката цена во договорите од актуелната реколта од 300 денари за прва класа реално не е исплатливо за вложениот труд, бидејќи 5 евра се многу малку и не ги покриваат трошоците, а камо ли профитабилност. Имаат два предлога: со посредство на ресорното министерство да продолжат со преговорите со откупувачите за да се достигне двојно повисока цена со анекси на договорите; доколку преговорите не успеат, Тутунски Комбинат да изврши интервентен откуп за да се принудат приватните откупувачи да ги подигнат цените.