Женско е првороденото бебе во 2023 та во Прилеп

По 4 часа и 22 мин по полноќ, од првите часови во новата година, се роди првото бебе во ЈЗУ Градска болница со проширена надлежност „Борка Талески“. Женското бебе Кристијана е со тежина 3 150 гр и 50 см должина. За мајката Емилија Златеска (42 години) од Прилеп тоа е второ женско дете.

Традиционално, мајката и првороденото бебе во новата година ги посетија, здравје и среќа им посакаа градоначалникот на Прилеп Борче Јовчески и Кети Смилеска, директор на Градската болница.Општината и Градоначалникот на среќната мајка и’ подарија пригодни подароци и штедна книшка од 15 000 денари.

Градоначалникот Јовчески, при оваа прилика и на персоналот во прилепската болница им ги честиташе новогодишните празници и им посака оваа нова 2023 година да им биде побериќетна, посреќна, поуспешна исполнета со многу здравје и просперитет.

Претходни 1 of 12 Следни

Синоќа, градоначалникот на Прилеп, Борче Јовчески честитка за добра, поуспешна нова 2023 година до сите граѓани на Општина Прилеп, упати и од плоштадот „Методија Андонов Ченто“, каде прилепчани заедно ја дочекаа Новата година, со огномет и пригодна музичка програма.

Традиционално на највеселата ноќ, градоначалникот ги посети и службите кои вообичаено работатат за новогодишната ноќ: дежурните екипи на ТППЕ -Прилеп, на Итната медицинска помош, полициските служеници во  ПС – Прилеп и дежурната екипа на Железничката станица -Прилеп, честитајќи им ги притоа новогодишните и претстојните божиќни празници.