Кузманоска: Предучилишното образование ќе стане дел од образовниот систем

Билјана Кузманоска, кандидатка за пратеник за ИЕ4 од Коалицијата Твоја Македонија предводена од ВМРО ДПМНЕ

Идната влада предводена од ВМРО-ДПМНЕ, во своето работење, особено внимание ќе посвети на образованието, затоа што квалитетното образование е најголема инвестиција во иднината на Република Македонија. Во нашата програма предвидуваме предучилишното образование да стане потсистем на образовниот систем бидејќи има значајно влијание врз развојот на децата и нивната подготовка за основно образование.
Ќе воведеме настава во една смена и продолжен престој за сите ученици. Недостатокот на учебници претставува голем проблем па токму затоа се обврзуваме во учебната 2025/2026 година, секој ученик да има учебник по секој предмет, како во основното, така и во средното образование.
Ќе направиме целосна ревизија на концепцијата за основно образование. Преку јавна расправа со наставниците, родителите и директорите во сите региони ќе извршиме целосна ревизија на концептот, така што особен акцент ќе се стави на предметите од национално значење како македонскиот јазик, историја, географија, музичката и ликовната уметност, а ќе посветиме особено внимание и на дигиталната писменост кај младите.
. Ќе инвестираме и во училиштата и во студентските домови.
Ова се само мал дел од многуте проекти во образованието кои ги нуди програмата насловена како Платформа 1198. Затоа ве повикувам на 8-ми мај, да дадете масовна поддршка за ВМРО-ДПМНЕ и број 2 за листата на пратеници, како и број 2 за професорката Гордана Силјановска Давкова, која ќе биде идниот претседател на Република Македонија. Излезете во што е можно поголем број и гласајте за промени, гласајте за Македонија да биде повторно горда.