Одбележан патрон празникот на училиштата „Кире Гаврилоски -Јане„ и „Круме Волнароски“

Делегации од Општина Прилеп, Советот на Општината, училиштата од општина Прилеп, Сојузот на борци и политичките партии оддадоа почит и положија цвеќе на спомен – бистите на прилепските народни херои, Kруме Волнароски и Кире Гаврилоски-Јане, чии две основни прилепски училишта, гордо ги носат нивните имиња, и денеска го чествуваат својот патрон празник.

По тој повод, наставниците и учениците од двете училишта подготвија и пригодни програми во чест на своите патрони.

Народните прилепски херои  Kруме Волнароски и Кире Гаврилоски-Јане, убиени се во заседа на 9 мај 1944 година , точно пред 80 години херојски ги положиле животите за конечна слобода на Македонија.