Од утре Прилеп ќе го има командирот на Полициската станица избран на Совет на општината

Од утре Прилеп ќе го има командирот на Полициската станица, избран на Совет на општината, а потврден со решение на министерот за внатрешни работи. Ова го потврди Панче Тошковски, министер во МВР, при днешната посетата на ОВР Прилеп.

– Добиена е пресуда од Управниот суд со која се потврди моето решение за поставување на командир на ПС Прилеп, а беше поништено од Владата. Се потврди и решението за давање отказ на полициски командир на ПО Ропотово, кој пукаше на веселба –  рече министерот Тошковски, при тоа потенцирајќи дека секој кривично правен настан на штета на граѓаните ќе бил санкциониран.

Инаку, Советот на општина Прилеп уште од средината на февруари, на редовната 39-седница, ја изгласа одуката за  избор на нов командир на Полициската станица Прилеп. Пред советниците тогашт се најдоа  три имиња, а изборот падна на Горан Колонџоски, професионалец со 10-годишно работно искуство во крим полиција. За Колонџоски, гласаа 15 советници, а еден совеник беше воздржан.