Првороденото дете во 2024 во Прилеп е женско

Во Новата година, во Прилеп прво се роди женско бебе.

Еден час и половина по полноќ, на Одделението за гинекологија во прилепската градска болница среќната мајка Низакете Керимоска од селото Црнилиште, на свет го донесе своето второ дете.

Oд Одделението информираат дека и мајката и бебето се во одлична состојба.

Во текот на денот, првото новороденче во Прилеп во новата 2024 година добие подароци од градските власти и градоначалникот Борче Јовчески, книшка со 15.000 денари, како и други подароци за бебето.

Веоедно, градоначалникот на Прилеп, Борче Јовчески , при оваа прилика, Новата година им ја честита и на вработените во ЈЗУ Општа Болница ,,Борка Талески”, посакувајќи им годината да им биде многу бериќетна и да ја поминат во добро здравје, “со многу успеси и просперитет на сите полиња„, рече тој.