Прилеп го одбележа Меѓународниот Ден на Ромите

Меѓународен ден на Ромите, 8-ми Април  Прилеп го одбележа со неколку активности . Најпрвин, традиционлано, беше подигнато знамето на Ромите на јарболот пред општинската зградта, во присуство на преставници од ромската заедница и локалнатаа самоуправа, а во градската библиотека “Борка Талески“ беше организирана продажна изложба на ликовни дела  „Ромска традиција и симболи“ кои ги изрботија  ученици, наставници и родителите ,како и  турнир во мал фудбал во ООУ „Добре Јованоски“.

„ Меѓународен ден на Ромите е ден на прослава на ромската култура и подигање на свеста за проблемите со кои се соочуваат Ромите„- истакна претседателот на Советот на Општина Прилеп, Дејан Проданоски.

„ Како локална самоуправа имаме план да се насочиме кон подобрување на квалитетот на животот и образованието и инклузија во сите сфери на општеството. Се со цел да обезбедиме подобри услови за развој и интеграција на нашите сограѓани Роми и нивната социјална и економска состојба“  посочи градоначалникот на Прилеп, Борче Јовечски , кој оствари средба со преставници од ромската заедница во неговиот кабинет.

Осми април се одбележува во целиот свет, во чест на првиот Светски конгрес на Ромите, одржан од 7 до 12 април 1971 година во Лондон, каде што се сретнаа претставници на Ромите од  14 земји во светот. На конгресот биле усвоени најважните одлуки, како што се ромското знаме и официјалната химна. Сината и зелената боја на знамето ги симболизираат небото и земјата, а црвеното тркало ги претставува патувањата и миграциите на Ромите. Бил прогласен и официјалниот ромски јазик и прифаќањето на називот „Ром“, што значи човек.