Рајатоски ново засилување на РК Прилеп

РК Прилеп доби ново засилување со поранешниот младински репрезентативец на Македонија, Пеце Рајатоски, информираше клубот на социјалните мрежи. Минатата сезона, десниот бек Рајатоски настапуваше за Голден Арт, а претходно кратко време беше дел од германски нисколигаш. Рајатоски потекнува од школата на Еурофарм Пелистер, а во Македонија освен за матичниот клуб и Голден Арт, има настапувано и за Струга. На меѓународна сцена го носеше дресот на косовскиот тим Кастриоти Феризај со кој играше и во европските купови.