(ВИДЕО)Ако Бехтел и Енка не се премисли-жителите од Беровци ќе останат без егзистенција

Доколку Бехтел и Енка – компанијата која го гради мегистралниот пат Прилеп Битола не се премисли во намерата да изврши експропријација на 30 хектари земјоделско земјиште во атарот на селото Беровци, жителите ќе останат без обработливите ниви од кои егзистираат. Земјиштето е поделено на повеќе мали парцели – ниви во приватна сопственост на жителите од Беровци со генерации и претставува основен извор на егзистенција одгледување на житни култури, тутун, зеленчук и др. Покрената е петиција и правна постапка преку адвокат против најавената експропријација за која мештаните велат дека ќе значи крај на опстојот на Беровци, село со околу 400 жители.