Манастирот „Зрзе“ во бело – планините во Македонија утрово се „разбудија„ со снег

Снежно бела покривка , денеска, го покри врвот на Баба Планина , Пелистер,  и направи вистинска зимска едила. Снег има и на планината  Даутица, каде што се наоѓа манастирот Зрзе (Св.Спас) .

Утрово Македонија е под снег. Според видео камерите на сајтот „Ski Macedonia“  се гледа дека речиси сите планини и повисоки места во земјава се под снег. Снег утрово има, а и се уште врне на  Пелистер, Попова Шапка, Маврово, Пониква, Нижополе и Копанки.

Во текот на денот времето ќе биде променливо облачно со сончеви периоди. Ќе дува слаб до умерен ветер од северен правец, информираат од Управата за хидрометеоролошки работи.

Во вторник ќе се задржи стабилно време со негативни утрински температури. Нов влажен бран со локални врнежи од дожд, а на планините на запад од снег, се очекува во среда и во четврток.