Клупска изложба на уметнички фотографии „Јордан Зазоски – Зазо 2024“

Фото Кино Клуб „Прилеп“ на 17 април (среда) со почеток во 19 часот, во фоајето на на НУЦК „Марко Цепенков“ – Прилеп ќе биде отворена клупската изложба на уметнички фотографии „Јордан Зазоски – Зазо 2024“. Тоа е 11 та по ред клупска изложба на Фото Кино Клубот „Прилеп“. Проектот е поддржан од Министерството за култура како проект од национален интерес во културата од областа на визуелните уметности, архитектура и дизајн за 2024 година. Целта на проектот е збогатување на културната понуда во Општина Прилеп преку афирмирање и промоција на уметничката фотографија.

Изложбата ќе биде отворена од градоначалникот на Општина Прилеп и претседателот на Фото Кино Клуб “Прилеп“ Сашко Попоски.