Концерти и изложба по повод Осми март

В среда, шести март по повод Меѓународниот ден на жената – 8ми март во Центарот за култура Марко Цепенков ќе се одржат два настани. Во организација на Здружението на инвалидски пензионери, актив на жени, а под покровителство на прилепската компанија Комфи Ангел од 12 часот ќе биде отворена етно изложбата на домашни ракотворби насловена како „Перничињата на мама“.

Истиот ден шести март, од 19 часот во фоајето на Центарот за култура осмомартовски концерт „Букет од песни“ ќе одржи Октетот Прилеп.

Следниот ден на 7 ми март со почеток од 18 часот во киното Мис Стон концерт ќе одржи ООМУ „Ордан Михајлоски Оцка“ Прилеп.