Мотоциклист прегази пешак во Прилеп и повторно пожар на паркирано возило

На 26.12.2023 во 14.00 часот во ОВР Прилеп било пријавено дека на ул.„Александар Македонски“ во Прилеп, мотоцикл „хонда” со велешки регистарски ознаки, управуван од А.К.(38) од Прилеп, удрил во пешакот З.С.(45) од Прилеп. Во несреќата пешакот се здобил со  тешки телесни повреди, констатирани во Градската болница во Прилеп. Увид на местото извршила екипа на ОВР Прилеп.

На 27.12.2023 во 03.14 часот во ОВР Прилеп, А.Д.(56) од Прилеп пријавил дека на ул.„Битолска” во Прилеп настанал пожар со неговото паркирано патничко возило „ауди“ со прилепски регистарски ознаки. Пожарот бил изгаснат од екипа на Територијалната противпожарна единица Прилеп, а повредени лица нема. Увид извршила увидна екипа на Полициската станица Прилеп.