На претседателските избори демократското право на глас го остварија градоначалникот на Прилеп и Претседателот на Совет

Градоначалникот на Прилеп, Борче Јовчески, утрото, заедно  со својата сопруга го оствари своето право на глас и ги повика прилепчани да го искористат своето демократско право, бидејќи, како што изјави тој „само така можеме да донесеме вистинска одлука за нашата татковина и за нашата иднина “ и да го направиме виситинскиот избор за претседател  „за кој граѓаните сметаат дека најдобро ќе се грижи за Република Македонија и ќе ги почитува националните вредности и својот народ.“ –  рече тој  при остарувањето на своето граѓанско право.

И, претседателот на Советот на Општина Прилеп, Дејан Проданоски, воедно и кандидат на листата за пратеници од ИЕ4 од Коалицијата „Твоја Македонија“ ВМРО ДПМНЕ, ја оствари својата граѓанска обврска и повика граѓаните да излезат и да го дадат својот глас на Претседателските избори :

„Денеска е светол ден за демократијата. Треба да се почитува демократијата, а народот е демократија и тој  треба да изборе кој во иднина ќе го преставува и ќе ги застапува нивните демократски права како Претседател на Република Македонија„ – рече тој на денот на гласањето.