Неизвесно, но борбенo и пожртвувано до крај, бодовите останаа во Прилеп

Ракометарите на Прилеп на домашен терен го совладаа незгодниот состав на Голден Арт, со 26-23, со пресврт во второто полувреме. Прилепчани поведоа на старот од натпреварот, гостите успеаа да изедначат и кратко да го променат резултатот . Така се одвиваше  и второто полувреме, резултатски „ладно- топло“, со минамална предност, де на домашните, де на гостите.

Натпреварот се одвиваше со неколку исклучувања и црвени картони , и кај домашните ( Никола Цветаноски,  заработи трето исклучување и доби црвен картон) , и кај гостите, ( кои  уште во првите минути останаа без голманот  Димитар Бардакоски, кој во обид да спречи контра напад на Шабановиќ, го фаулираше), а резултатот се „кршеше“ со постојана неизвесност до крајот на мечот. Беше 21-21, па 23-23, но по тајм-аутот гостите згрешија неколку пати, а за тоа беа казнети, и прилепските ракометари со две одлични одбранни на Ангелески  се одлепија на плус три,  па со крајниот резултат 26-23, бодовите останаа во Прилеп.

Прилеп сега на табелата има 24 бода и е на врвот, пред Еурофарм Пелистер 2 кој има 21 и Куманово со 20, кои сеуште  го немаат одиграат својот меѓусебен натпревар.

Но, е извесно дека РК Прилеп ја остваруваат својата цел што ја зацртаа – опстанок во суперлигашкото друштво!

Инаку, на овој натпраевар Шабановиќ со седум и Рајатовски со шест погодоци беа најдобри стрелци во  составот  на прилепчани .

Во следното коло Прилеп гостува кај Мулти Есенс кои се петти на табелата.