Опозициската ВМРО – ДПМНЕ, вечерва протестираше во Прилеп

Во колона со автомобили, трактори, граѓани со транспаренти, во центарот на градот, во организација на опозициската ВМРО ДПМНЕ, вечерва упатија порака за заштита на црвените линии за одбрана на македонскиот идентитет.

„Не простувајте им, знаат што прават“ беше главниот транспарент на вечерашниот протест во Прилеп, чија цел, како што велат од партијата е јасната порака за обединување на сите граѓани, и барање Заев јавно да се извини за навредите кои ги искажа преку интервјуто за бугарскиот медиум, Бгнес. Покрај во Прилеп, вечерва се одржаа протести во Куманово, Тетово, Велес, Кавадарци, Охрид и Битола.