Прилепчанец повредил полицаец

Од полициската хроника:

На 06.04.2024 во 00.30 часот во ОВР Прилеп било пријавено дека околу 00.20 часот на бул.„Гоце Делчев“ во Прилеп, З.З. од Прилеп не извршил наредба дадена од полициски службеници и со врата од своето возило „фолксваген голф“ нанел повреди на полициски службеник кој извршувал службени дејствија, по што го напуштил местото. Се преземаат мерки за расчистување на случајот.

На 05.04.2024 во 20.15 часот во Прилеп, полициски службеници од ОВР Прилеп ги лишиле од слобода С.М.(21), О.И.(26) и А. А.(34), сите од Прилеп, затоа што околу 19.00 часот во близина на Градскиот часовник во Прилеп физички го нападнале С.Ч.(54) од Прилеп. По наредба на јавен обвинител, лицата биле задржани во полициска станица и по целосно документирање на случајот против нив ќе биде поднесена соодветна пријава.