Прилеп доминираше на дуелот со Скопје

Во 8. коло од плеј-аутот ,  очекувано Прилеп доминираше на дуелот со Скопје и замина како победник со 32:21. Триумфот беше изразен со 11 гола разлика, а Прилепчани со победа над Скопје дојдоа до 6-ти триумф во плеј-аут фазата и сега имаат 21 бод.

Со оваа победа Прилеп останува израмнет на првите две места на табелата со Е. Пелистер 2 ,кои носат сигурен опстанок во Суперлигата.

Најефикасни во екипата на Прилеп со 8 постигнати голови беше Пеце Рајатоски, шест постигна Квастек и по пет Бикоски и Никола Цветаноски.

Во следното, 9. коло, тимот на Прилеп на свој терен ќе го пречека Голден Арт.