Бронзени медали за гимназијалецот Петар Мирчески на „Олимпијадата по хемија“

На 55-тата интернационална олимпијада по хемија која се одржа во Цирих, Швајцарија и на која учествуваа натпреварувачи од целиот свет, ученикот Петар Мирчески од Гимназијата „Мирче Ацев“ -д Прилеп, освои бронзен медал

Освен Петар, од натпреварувачкиот тим на Република Македонија, бронза освоија и Марио Ванчоски од СОУ Гимназија „Славчо Сојменски“, Штип и Филип Бојаџиевски од СУГС Гимназија „Орце Николов“, Скопје.

Марија Петрова од СУГС Гимназија „Раде Јовчевски Корчагин“ доби пофалница.

Водачи на тимот беа проф. д-р Миха Буклески, вонреден професор на ПМФ, Скопје и проф д-р Марина Стефова, редовен професор на ПМФ, Скопје.