Согласно Законот за празници покрај редовните 21, уште два дополнителни неработни дена поради изборите

Од Пела Редакција На 07/03/2024

И двата неработни дена ќе бидат во среда, поради оддржувањето на двата изборни процеси- за оддржувањето на првиот круг Претседателски избори, неработен ден ќе биде 24 април 2024 кој паѓа во среда ,а потоа за оддржувањето на евентуалниот круг од Претседателски избори и редовните Парламентарни, неработен ден ќе биде 8 мај, кој исто така се паѓа во среда.

Согласно со Законот за празниците на Република Македонија (Сл.весник на РМ број 21/98 и 18/07) во 2024 година неработни денови за СИТЕ се:

24 април – избори, 8-ми мај избори. 06 мај (понеделник); Велигден, вториот ден на Велигден според православниот календар, 10 април (среда); Рамазан Бајрам; првиот ден на Рамазан Бајрам, 01 мај (среда); Ден на трудот 24 мај (петок) „Св. Кирил и Методиј, Ден на сесловенските просветители , 02 август (петок), Ден на Републиката, 8 септември (недела), Ден на независноста, односно 09 септември (понеделник) е неработен ден, 11 октомври (петок), Ден на народното востание, 23 октомври (среда), Ден на македонската револуционерна борба; 8 декември (недела), “Св. Климент Охридски”, односно 09 декември (понеделник) е неработен ден.

За граѓаните од православна вероисповед: 03 мај (петок), Велики Петок, петок пред Велигден; 21 јуни (петок), Духовден, петок пред Духовден; 28 август (среда), Успение на Пресвета Богородица (Голема Богородица).

За граѓаните од католичка вероисповед ; 1 април (понеделник), Велигден, вториот ден на Велигден; 1 ноември (петок), Празникот на сите светци; 25 декември (среда), првиот ден на Божик.

За граѓаните од муслиманска вероисповед: 16 јуни (недела), Курбан Бајрам, првиот ден на Курбан Бајрам

За граѓаните припадници на албанската заедница во РСМ: 22 ноември (петок), Ден на албанската азбука

За граѓаните припадници на ромската заедница во РСМ: 8 април (понеделник), Меѓународен ден на Ромите
За граѓаните припадници на влашката заедница во РСМ: • 23 мај (четврток), Национален ден на Власите
За граѓаните припадници на еврејската заедница во РСМ: 12 октомври (сабота), Јом Кипур, првиот ден на Јом Кипур
За граѓаните припадници на бошњачката заедница во РСМ: 28 септември (сабота), Меѓународен ден на Бошњаците
За граѓаните припадници на турската заедница во РСМ:21 декември (сабота), Ден на настава на турски јазик

Севкупно во Македонија, оваа година, има 23 неработни денови по разни основи.