Утрово дојава за бомби во три прилепски училишта

По е-маил утрово три училишта во Прилеп: ООУ „Добре Јованоски“, ООУ „Блаже Конески“и ООУ „Гоце Делчев“ добиле известување дека во нивното училиште се поставени експлозивни направи. Надлежни институции веднаш биле известени и децата и наставниците биле евакуирани, соопшти портпаролот на Општина Прилеп, а во очекување на изјави од градоначалниот и директорите побаравме одговор од МВР.

Од Министерството информираат дека веднаш по добиените пријави, од полициски службеници се преземени мерки за безбедно евакуирање на објектите и во тек се антитерористички проверки и се преземаат мерки за расчистување на случаевите.

Петнаесет училишта во Македонија, од кои најголем број во Скопје, утринава добиле закани за поставени бомби во Скопје, Битола, Тетово, Струга и Прилеп.