Крушево продолжува со активности за превенција од Ковид, поделени заштитни маски

Заштитни медицински маски обезбедени преку донација од Република Турција денеска беа поделени во Крушево. За тоа се погрижија вработените во Општината кои поделија 300 маски на случајни минувачи во центарот на Крушево. Ризична група која има потреба од дополнителна заштита се повозрасните граѓани.

„ Пензионерите се најранливата група на граѓани во однос на коронавирусот и затоа одлучивме нив да ги адресираме со оваа активност  “,  вели градоначалникот на општина Крушево Томе Христоски.

Претходно општината обезбеди маски за вработените на јавните институции и во неколку наврати ги дезинфицираше истите. Општината продолжува со активности за спречување на ширењето на коронавирусот.