Крушево го слави Националниот ден на Власите

Крушево го одбележува националниот Ден на Власите, 23- ти мај. По тој повод Општина Крушево во соработка со ООУ „Никола Карев“ Општина организира манифестација  во Дом на култура „Наум Наумовски Борче“ каде учество зедоа учениците, кои преку  музички, ритмички и литературни точки и перформанси ја прнесоја влашката култура, традиција, историја и обичаи.

„Ден има посебно значење, не само за припадниците на влашката заедница, туку и за сите останати националности како симбол на соживот и заедничкото живеење во нашата држава. Ние, како крушевчани треба да бидеме посебно горди на овој ден бидејќи споменувањето на Крушево претставува синоним за влашката култура, традиција и обичаи“, рече претседателот на Советотот на Општина Крушево ,Тома Петроски.

Националниот Ден на Власитe е денот кога 1905 година, турскиот султан Абдул Хамид Втори, за прв пати ги признал Власите како посебен народ, со право да се образуваат на својот мајчин јазик, да имаат право на одржување на богослужба на влашки јазик, да публикуваат книги и списанија на влашки јазик…