(ВИДЕО) најдиме.орг.мк – поддршка за пријава и потрага по исчезнати лица

Невладината организација Новинари за човекови права веќе неколку години работи на пилот проектот за воспоставување на Систем за рано предупредување на исчезнати лица во Македонија по примерот на АМБЕР АЛЕРТ. Трагедијата со малечката Вања го вклучи алармот дека ваков систем е неопходен за итно реакција на службите и граѓаните, па само пред неколку денови во соработка со Министерството за образование и наука и официјално да започне со работа порталот НАЈДИ МЕ.

Во програмата „Радио што се гледа“ на Радио Пела денеска разговаравме преку скајп врска со Александра Радевска од „Новинари за човекови права“ за тоа како ќе функционира порталот НАЈДИ МЕ, кои институции и на каков начин ќе бидат вклучени, како можат да пријавуваат и да помагаат граѓаните, компаниите, невладините организации. Потребно ли е создавање на широка мрежа која веднаш би реагирала при алармот за исчезнато лице и на каков начин тој систем ќе се надоградува?

Веб-страницата е на три јазици – македонски, албански и ромски, а фунционира со поддршка на Министерството за внатрешни работи. Според официјалните податоци од МВР, во последните три години (од 2020 до 27.10.2023) биле исчезнати 74 малолетни лица. Од нив, 65 се пронајдени. Девет деца уште се водат како исчезнати.