(ВИДЕО)Македонски Брод се подготвува за фестивал на отворено „SAMOKOV XTREME„ за промоција на алтернативниот туризам во Порече

Од Пела Редакција На 17/05/2023

На 3 и 4 јуни, ( 2023г) во Самоков и Белица (Македонски Брод) во организација на Општина Македонски Брод и здруженијата: Форум за Авангардна Креативност, Вело Че и САМОКОВ ЕСТРЕМ, по втор пат ќе го организираа фестивалот на отворено SAMOKOV XTREME на кој ќе земат учество на 500 спортисти и љубители на природата.

Учесниците ќе можат да учествуваат во: возење со теренски возила ( џипови), возење мотокрос , возење со АТВ возила, возење со МТБ велосипеди и во планинарска тура.

Целта, вели градоначалникот на Македонски Брод, Жарко Ристески, е да се доближат убавините на Порече во насока на развој на алтернативниот и руралниот туризам и поставување и препознавање на Македонски Брод од страна на вљубениците на природата, на мапата на атрактивна дестинација за атернативен туризам во живописна еколошка природа:

Велосипедската тура е во организација на Здружението ВЕЛО ЧЕ која годинава ќе се одржи по петти пат. Базата и стартот на вело турата ќе бидат во ресторанот Чифлик во с.Белица, велат од Вело ЧЕ.

На учесниците ќе им бидат понудени две велосипедски тури, и тоа : Мала Тура – GREEN TOUR, која се вози по течението на река Треска, со освежување во с.Црешнево и Голема Тура – EPIC TOUR, која ќе се вози до Фојник, каде велосипедистите ќе ги чека пункт за освежување.

Планинарската тура ќе биде во должина од околу 15 км на релација : Старт од кампот во Самоков – с.Ковач – с.Бенче- враќање во Самоков, каде ќе бидат ангажирани искусни планински и велосипедски водичи.

Додека, турите со теренски возила, АТВ возила и мотокрос ќе се возат двата дена(сабота и недела) на релација : (Сабота 03 јуни 2023г) Самоков – Добра вода – с.Бенче – Самоков, а во недела (04 јуни 2023г) Самоков – с.Рамне – с.Брест – Фојник планина – с.Требовље – Самоков.

Градоначалникот Жарко Ристески истакна дека во целата оваа организација е вклучено и месното население кое на посетителите ќе им нуди локални производи и специјалитети – ѓомлезе, питулици, планински мед, чај, печурки, а и сместувачки капацитети за сите учесници и за посетителите, со пониска цена и со вклучен доручек.