Прилеп ја одбележува 80 годишнината од смртта на Али Фети Окјар

НУ Завод за заштита на спомениците на културата и Музеј – Прилеп денеска, 8 ми мај со почеток во 18:00 ч. во ЈОУ Градска библиотека „Борка Талески“ – Прилеп ја одбележува 80 годишнината од смртта на еден од најпознатите турски државници од поновата историја –  Али Фети Окјар, инаку роден прилепчанец.

Поздравно обраќање на тема „АЛИ ФЕТИ ОКЈАР – ИСТОМИСЛЕНИК И СОРАБОТНИК НА АТАТУРК“ на настанот ќе има Горанчо Цветкоски – в. д. директор на НУ Завод и Музеј – Прилеп.

Свое обраќање ќе има и внукот на Окјар – професор  д-р Али Фети Окјар. На тема „Прилеп во фокусот на македонско-турската книжевност и култура“ ќе говори Моника Талеска -(библиотекар),  и директор ЈОУ ГБ „Борка Талески“- Прилеп, а за „Перспективите на општина Прилеп за идна соработка“ ќе говори Борче Јовчески – градоначалник на општина Прилеп. На настанот ќе бидат присутни и ќе се обратат Хасан Мехмет Секизќок –  амбасадор на Р. Турција во Македонија и Актан Аго – генерален конзул на  Македонија во Р. Турција.

Носител на проектот, кој е  поддржан од Министерството за култура  Македонија е Рубинчо Белчески – кустос советник, историчар. Со проектот,  идејата е Прилеп во соработка со Република Турција и потомците на Али Фети Окјар да обезбеди спомен соба на еден од најпознатите државници на модерна Турција, кој бил најблизок соработник на Кемал Ататурк.