Ракометарите на Прилеп со успешен старт ја започнаа битката за суперлигашки опстанок

Прилепските ракометари извојуваа  победа над  Скопје со 32-24  и со победа на домашен терен ја започнаа својата битка во суперлигашкиот плеј-аут.  Домашните предноста ја направија во првото полувреме и во второто само рутински ја одржуваа без поголеми проблеми запишувајќи ги првите три бода во жестоката битка за опстанок што претстои во Супер Лигата.

Ангелески беше одличен на голот, а лесни голови беа постигнати од контранапади, најчесто преку Рајатоски, па со победа екипата на РК Прилеп се израдува на првите три бода во битката за суперлигашки опстанок.

Најдобри стрелца беше Владан Кастратовиќ со девет и Рајатоски и Цветаноски со по пет погодоци. Во составот на Скопје ,пак, Давор Шокоски беше најпрецизен со девет гола.

Во следното коло Прилеп ќе гостува кај Голден Арт.