До 11 март трае јавниот увид во Избирачкиот список

Јавниот повик за проверка на податоците од Избирачкиот список е отворен и граѓаните ќе може да вршат увид до 11 март, информираат од Државната изборна комисија.
Барањата за упис или измени на Избирачкиот список граѓаните може да ги поднесат електронски или писмено до канцелариите на ДИК и во некоја од подрачните канцеларии.
ДИК на денешната јавна седница, го усвои и правилникот за собирање потписи за поднесување кандидатски листи за учество во изборната трка.
Собирањето на потребните потписи се врши од денеска до 6 март во канцелариите на ДИК или на овластен нотар.Линк за проверката на податоците од Избирачкиот список:
https://izbirackispisok.gov.mk/Search.aspx?type=name