Ракометарите на Прилеп се изборија за плеј-оф

Ракометарите на Прилеп на домашен терен изборија место во плеј-офот на Првата лига. На две кола до крајот на регуларниот дел Прилеп славеше против Вардар Неготино со минимални 33-32.
Екипата на Прилеп иако со предност од пет голови, 30-25, пред крајот избори победа од само еден гол разлика.
Најдобри стрелци во победничкиот тим беа Филип Пајкоски и Христи Бикоски со по осум погодоци, додека кај Вардар Неготино се истакнаа Ратко Вељанов со 11 и кадетскиот репрезентативец Ѓорѓи Ташев со осум голови.
Прилеп има 33 бода и се наоѓа на втората позиција, со што го осигураа своето место во разигрувањето за Суперлигата.