Свечено доделени 3-то Ноемвриските награди на заслужни граѓани и здруженија од град Прилеп

Од Елизабета Филипоска На 03/11/2021

Постхумно, награда за Животно дело ЗЛАТНА ПЛАКЕТА “3-ти НОЕМВРИ” за доајенот на современата македонска скулптура, Драган Попоски – Дада, за новинарот и публицистот, Тачко Локвенец и награда за Животно дело ЗЛАТНА ПЛАКЕТА ” 3-ти НОЕМВРИ за Илија Адамоски, истакнат општествен работник – беа додлени на вечерашното свечено доделување на најпрестижните наградите на град Прилеп 3-то Ноември, по повод Денот на конечното ослободување на Прилеп од фашистичкиот окупатор. Наградте беа додлени во Општинската сала во присуство на советниците на Оптшина Прилеп, градоначалникот на Прилеп, Борче Јовческ , Претседателот на Совет, Дејан Проданоски, преставници на граѓански здруженија, граѓани , гости и медиуми.

Покрај награди за животно дело Советот на Општина Прилеп додели 4 плакети и 7 дипломи

Плакети добија: ПК „Младост 96“, за достигнувања во областа на спортот,

Локална Акциона Група АГРО ЛИДЕР, добитници на 3-то Ноемвриската награда

Локална Акциона Група АГРО ЛИДЕР, за постигнати значајни резултати и достигнувања за подобар живот во локалната заедница;

Здружение за правна едуација и транспарентност СТАНИЦА П.Е.Т Прилеп, за придонес во едукацијата и асистенцијата на граѓаните во насока на остварување на нивните права;

Фирмата МИНАС Прилеп, за негување на занаетчиството

А, дипломи добија прилепчани кои дале особен придонес за градот во рамките на своето професионално делување:

Георги Стале Поповски, за достигнувања во областа на книжевноста и преведувачката дејност, Блага Тутеска, за достигнувања во областа на образованието и литературата, Круме Пирганоски, за достигнувања во областа на образованието и информатичката технологија,

**Божана Тренческа, Награда-диплома 3-то Ноемвриска**

Божана Тренческа, за достигнувања во областа на литературата;

Димче Велкоски, за достигнувања во областа на воздухопловното, спортско и ракетно модуларство;

Пулексенија Јованоска, за особен придонес во промоцијата на карате спортот во светски рамки;

и, посхумно Јовица Нешкоски-Фризерот , за негување на фризерскиот занает.